Trafikoko hainbat tramite herrian bertan egin ditzakete iurretarrek

Zerbitzuak herritarrengana hurbiltzeko eta errazteko, Iurretako Udalak eta Trafikoko Lurralde Buruzagitzak lankidetza hitzarmena sinatu dute. 

Horrela ohiko diren tramiteak Iurretako Herritarren Arretarako Zerbitzuan egin daitezke, eta lurralde bulego nagusietara joatea saihestu.

Trafikoko hainbat tramite bideratuko dituzte HAZren bitartez: herrian erroldatutako gidatzaile eta ibilgailuen errolda kudeaketa, helbide berri eta aldaketen komunikazioak, Trakzio Mekanikoko Ibilgailuen Gaineko Zergari dagozkien gaiak eta ibilgailuen behin-betiko bajak. Era berean, hitzarmenak, Erregistroen aktualizazio egoki bat eta berauen kudeaketa eraginkortasunez ebaztea ekarriko ditu, ohar baten udal arduradunek azaldu dutenez. Abenduaren 3an sartu zen indarrean hitzarmena.