Kirola egiteko beste herri batzuetako udal azpiegiturak erabili behar dituzten iurretarrek jaso ahal izango dute laguntza eta 2018an herrian erroldatuta egon behar da onuradun izateko. Kirol azpiegitura dagoen herri horretan erroldatuta ez egoteagatik ordaindu beharreko gainkostuari egin gura zaio aurre laguntzagaz. Guztira, 11.000 euro gorde ditu udalak horretarako.
Ikasturte honetan musika ikastaroa egiten ari diren iurretarrek ere izango dute diru laguntza eskuratzea. Eskari hauei aurre egiteko 9.000 euro gorde dituzte udal arduradunek. Matrikularen erdia ordaintzea izango dute bestalde, ikasturte honetan euskara ikasten jardun duten iurretarrek.