Urteetan, herriko arlo guztietan, emakumeek egindako ekarpenak aitortzeko murala margotu dute

Aitziber Basauri 2018ko urr. 16a, 11:30

Kolore berriz jantzi dute, Iurretan, Dantzari plazako horma grisa. Historian zehar eta genero ikuspuntu batetik, herriaren lehena eta oraina erakutsi gura duen Gure Emakumeak murala margotu du Irantzu Lekue gasteiztarrak zuzentzen duen ARTgia kolektiboak. 

Urriaren 5ean eman zituzten lehenengo pintzeladak, eta horretarako Maiztegi herri eskolako neska-mutilen laguntza izan zuten.  Izan ere, sanmigel jaien barruan hasitako proiektua dau hau eta  "umeen parte hartzea, euskara eta berdintasuna uztartzea" ditu helburu, aldi berean, kaleko hormen egoera "hobetuz". Halaxe azaldu du Iñaki Totorikaguena alkateak. "Muralagaz emakumeen presentzia hartu gura izan da aintzat, egin dituzten ekarpenak Iurretako gizartearen esparru guztietatan eta sasoi desberdinetan", gaineratu du. 

Historian zehar Iurretan, emakumeen bilakaera nolakoa izan den erakusten du muralak. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!