Iurretako Udalak antolatzen du azoka eta aurten 32 postu egongo dira. Horietatik 10 artisauenak izango dira, eta gainontzeko postuak, inguruko nekazarienak. Horrez gain, urtero lez, Iurretako Nekazaritza eta Artisautza azokara bertaratzen direnek txahal errea dastatzeko aukera izango dute.
Hainbat ekintza
Urteroko azokaz gain, Errosario Egunean dantzari eta agintarien kalejira, dantza saioa eta herri kirolen erakustaldia ere egongo dira, besteak beste. Bestalde, iurretarrek paella txapelketan parte hartzeko aukera ere izango dute.