Euskaldun Berri parketik Ebroko zubiraino argiztapena hobetuko dute, eta Santa Apoloniarako eta Basetarako bidegorrietan jarlekuak jarriko dituzte. Iaz 25.000 euro izan zituzten herritarrek.
Aurrekontu parte-hartzaileetarako foroetan 20 proposamen egin dituzte bertaratutako herritarrek, eta horietako zazpi igaro dira bozketara. “Giro ezin hobean egin dira foroak, eta proposamenak hausnarketa baten ondorio izan dira; denon parte-hartzeagaz eta herriko kale, zerbitzu eta azpiegiturak hobetzeko asmoz”, azaldu dutenez. Aurten gauzatu gura dituzte lanak.