Dantzak eta Iurretako banderak bizitzeko gogoa ematen zioten Agustin Araukori. Urteetan, San Migeletan bandera eramateko arduraduna izan zen. Aurten, osasunak lagundu ez arren, gurpildun-aulkian eraman zuen herriko plazan Iurretako bandera, harrotasunez. "Dena ematen zuen. Oso maitatua zen dantzarion artean", azaldu du Eneko Abasolo 'Abarkas' dantzariak.
Bihar, 12:00etan izango da Araukoren hileta Iurretako elizan. Ondoren, herritar eta lagunek azken agurra egingo diote.