Iurretako erabiltzaileek pediatra falta salatu dute. Juan Luis Balentziaga zerbitzuaren arduradunak azaldu duenez, pediatren ordezkorik ez dute aurkitzen. Horregatik, Iurretako pediatra egunotan Matienako eta Durangoko anbulategietara laguntzera joan behar izan da, osasun zentro horietan zegoen beharrari erantzuteko.
Eguaztenetik aurrera egoera normalizatu egingo dela azaldu du Balentziagak. Hala ere, ordezkorik ez dagoenez, egoera oso larria dela aitortu du. "Pediatrek oporrak edo bajak dituztenean egoera errepikatu egin daiteke", dio Durango eta Iurretako zerbitzuaren arduradunak.