Lan hauen “garrantzia” ikusita, eta sortu dituzten “kezka eta interesei erantzuteko”, batzar irekia antolatu du Iurretako EH Bilduk biharko. Ibarretxe kultur etxean izango da, 19:00etan.
Batzar horretan, Bixente Kapanaga kalean izango diren aldaketen berri ere eman gura du EH Bilduk. Kale hori norabide bakarrekoa izatea aurreikusi dute, eta horrek izango duen eragina azalduko dute batzarrean. EH Bilduko ordezkariek nabarmendu dute herritarren ekarpen eta kezkak batu gura dituztela datorren martitzenerako deitutako batzarrean.