“Kalea edertzeaz aparte, bere obra presente egitea eta normalean heltzen ez den jendearengana helduaraztea gura dugu, jakingura bat sortzea”, esplikatu du Magdalenak. Instalazio poetikoaren mapa eskuorrietan banatuko dute, jendeak bakoitza non dagoen jakin dezan. Denerikoak izango dira, eta Sarrionandiagaz beragaz adostuak, gainera. “Esaldi batzuk oso ezagunak dira, kamiseta eta hormetan ikusi ditugunak. Beste batzuk liburu bateko ertz batetik hartutakoak. Batzuk umerotsuak, besteak emozionalagoak, aldarrikatzaileak ere bai...”.
Aipagarria da, euskaraz aparte, hainbat hizkuntza erabiliko dituztela, herriko naziotasunak kontuan hartuta: bereberea, arabea, errumaniera, ingelesa, frantsesa eta gaztelania.