Eguerditik irtengo dira kalera iurretarrak mozorrotuta. 12:30ean elkartu, eta poteoa egingo dute tabernarik taberna. 14:30ean herri bazkariaz gozatuko dute, eta, ostean, bingoa egongo dela azaldu dute antolatzaileek.
Umeen zirkua
Arratsaldean etorriko da eguneko ekitaldirik politenetako bat: zirku ikuskizuna. Maiztegi herri ikastetxean, eskolaz kanpoko ekintzen artean, zirkua lantzen dute zenbait umek, eta hilaren 30ean euren trebezia erakutsiko dute kaleetan. 17:30ean hasiko da emanaldia.
Deabruen piroteknia
Eguna ez da hor amaituko. Luhartzen erromerian plaza dantzazalez beteko da, 20:00etan. 22:00etan atseden hartzeko etenaldia egingo dute, eta Lekeitioko Deabruak taldeak piroteknia ikuskizuna plazaratzeko aprobetxatuko du.