Frontoi txiki bat jarriko dute Maiztegi eskolan

Aitziber Basauri 2017ko uzt. 25a, 11:00

Udako oporrak aprobetxatuta, hainbat hobekuntza egingo ditu udalak Maiztegi eskolan. Gelen isolatze termiko eta akustikoagaz jarraituko dute, baina, horrez gain, estalkia dagoen gunean ura sartu ez dadin teilatu-hodiak eta zorrotenak aldatuko dituzte.

Frontoi txiki bat ere egingo dute —7x18 metrokoa— ; estalitako ingurua askotariko kolorez margotuko dute, eta lekua egokitu. Bestalde, markesina bat jarriko dute umeen kotxeak uzteko, hormigoizko oinarri eta zurezko estalkiduna.

Lanak ikasturtea hasten denerako izango dira prest. 60.000 euro erabiliko dituzte, eta Jaurlaritzatik 21.000 euroko laguntza izan dute. Iurretan “kalitatezko” eskola publikoa izateko apustua egin dutela dio Iñaki Totorikaguena alkateak.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!