Iurretako biribilgune ondoan, Durangorantza doan espaloia bete dute 100dik gora lagunek, azken eraso sexistarengatik protestan. Jaietan izan zen erasoa, eta horregatik, jai batzordea ere batu da deialdira. Nagusi zein gazteak, emakume eta gizonak... Mobilizazio anitza izan da. Iñaki Totorikaguena alkateak ere parte hartu du.
Ordu laurdeneko elkarretaratze isila burutu dute, eta amaieran, Liher Aiartzaguenak -jai batzordeko kidea eta zinegotzia- hartu du berba. Azalpena eman ostean, eskerrak eman dizkie bertaratuei, eta jaietako erasoa "ea azkena den" esan du itxaropenez.