Irakurtzeko ohiturarik ez duten 55 urtetik gorako herritarrei zuzenduta antolatzen du Herri Bibliotekak irakurketa klub hau: azken aldian gutxi irakurri dutenei, edota zer irakurri jakiten ez dutenei.
Irakurketa Errazeko liburuak eskainiko dizkiete saioetan, eta taldean irakurri, zein irakurritakoa partekatzeko elkartuko dira, eguaztenetan.
Iurretako Udalak eta Euskadiko Irakurketa Erraza erakundeak babestu dute irakurle talde honen sorrera.
Iurretan, Biblioteka inklusiboago bat lortzeko helburuagaz dihardute, eta, horretarako, “jaioberrietatik hasi, eta ehun urte arteko herritar guztientzako irakurketa klubak eskaintzea”, erabaki dute.