Miguel Salvador jazz musikari eta irakasleak prestatu du kontzertu didaktikorako taldea: Ana Begerano (Mocedades) izango da emanaldiko narratzailea eta abeslaria. Berekin batera izango dira Javier Alzola saxoa (besteak beste Fito & Fitipaldis taldekoa) Jon Piris kontrabaxua eta Hasier Oleaga bateria eta perkusioen arduradun. Jazza ezagutzeaz gain, musika tresna bakoitzaren baliabideak bertatik bertara ikusteko kontzertua eskainiko dute.
Datozen asteetarako, beste bi hitzordu ere badakartza Iurretako musika jaialdiak.
Datorren barikuan, azaroaren 13an, Gehi Zazpi eta 4KOTE talde emanaldia izango da, 19:00etan, Ibarretxe kultur etxean. Bolero ezagunen bertsioak eskainiko dituzte Durangoko Bartolome Ertzilla musika eskolan sortutako taldekoek. Hamabi abestiko errepertorioa dute prest, bestek beste, Bésame mucho, Contigo aprendí, edo Quizás, quizás, quizás kantak eskainiko dituzte, esaterako.
Amaitzeko, Kherau
Bizkaiko hainbat herritako musikariak elkartzetik sorturiko Kherau taldea izango da Iurretako 2015. urteko Musikaldia itxiko duena. Azaroaren 21ean eskainiko dute kontzertua, Ibarretxen. Euskal tradizioko doinu eta berbak sorkuntza berrien oinarri hartzen ditu boskoteak, eta instrumentu zerrenda luzea baliatzen dute: kutxa, djembea, perkusioak, baxua, txirula, alboka, gitarra, bouzuki irlandarra, mandolina eta trikitixa, kasurako.