Asier Kidam magoa eta Trapu Zaharra antzerki taldea dira gaurko gonbidatuak. 18:00etatik ariko da Kidam, Dantzari plazan, eta La Conga umore beltzeko ikuskizuna eskainiko du Trapu Zaharra taldeak, 20:00etan, Askondon. Bihar, Lo que nos dejaron zirku ikuskizuna eskainiko du Sainete taldeak, 18:00etan, eta, 20:00etan, Salitre taldearen Rico rico izango da ikusgai. Etzi, Patxin eta Potxin pailazoen saioak itxiko du egitaraua.
Musikaren egunaren harira
Musikaren Nazioarteko Egunagaz bat eginda, hainbat hitzordu antolatu dituzte Iurretan. The Upper Room taldearen gospel emanaldia izan zen atzo, Banda Ruddes & Rebels taldea ariko da domekan, 12:00etatik aurrera, eta, 22an, danborrada eskainiko dute Maiztegi eskolako umeek.