Apirilean estreinatu dute Ibarretxe kultur etxeak udaberri honetarako prestatu duen egitaraua. Hilaren 17an, Deabru Beltzak antzerki taldearen helduentzako Opera abeslaria ikuskizuna eskaini zuten, eta, pasa den eguenean, umeentzako Zapata gorriak.
Maiatzerako eta ekainerako antzerki eskaintzaren berri eman dute, dagoeneko, Ibarretxe kultur etxetik. Maiatzaren 15ean, esate baterako, Glu Glu Produkzioak taldearen La última oportunidad lana izango da kultur etxean ikusgai. Helduei zuzenduriko maiatzeko eskaintza izango da hori. Ekainean, berriz, Durangaldeko aktoreen Amodioaren ziega antzezlana ikusteko aukera izango da Ibarretxen. Ekainaren 12an izango da Lauka Teatroa taldearen emanaldi hori.
Umeei zuzenduriko ikuskizunak izango dira, bestalde, maiatzaren 22koa eta ekainaren 25ekoa: Antzokiko istorioak eta Hansel & Gretel eskainiko dituzte, egun horietan, hurrenez hurren. Ibarretxe kultur etxean, 17:00etan izango dira umeentzako antzezlanak, eta, 19:30ean, helduentzako emanaldiak.