Iurreta txirrindulari elkarteak antolatuta, 28. Ahari Iurreta Martxa Zikloturista egingo dute domekan. Izen-ematea egunean bertan egin daiteke, 08:00etatik aurrera, Iurretako San Miguel plazan (gehienez 300 parte-hartzaile onartuko dira). Martxa 09:00etan hasiko da. Aurten aldaketak egin dituzte ibilbidean.
Muniketatik Gernikara joango dira, eta hortik Lekeitiora. Bueltako bidean Merelludi, Trabakua eta Miñota igoko dituzte, Elorriotik Iurretara heldu arte. Ibilbideak 92 kilometro ditu, eta indarra hartzeko anoa postu bi ipiniko dituztela jakinarazi dute antolatzaileek.