Domekan, txirrindulari hasiberriak, kimu mailakoak eta haur-kategoriakoak batuko dituen txirrindulari proba izango da Iurretan. Leioan egitea aurreikusita zegoen, baina Leioako boulevard-ean obretan dabiltzala-eta ezin izan dute. Iurretako Emakumeen Bira Ziklismo Elkarteak proba bertan behera uztea baino gurago izan du antolakuntzaren ardura hartzea eta eskolarteko txirrindularitza proba hori Iurretara ekarri dute. Lasterketa domekan, 11:00etan, hasiko da Iurretako Maspe kalean.