Elhuyar aholkularitzaren laguntzagaz, herriko merkataritzan eta ostalaritzan euskarak daukan lekua aztertzen hasi da Iurretako Udala.
Martxoa eta apirila bitartean egoera zein den aztertuko dute, eta hiru alderdi aztertuko dituzte: Establezimenduen hizkuntza-paisaia –errotuluak, kartelak eta oharrak, besteak beste–, denda eta tabernetako idatzietan erabilitako hizkuntza –fakturak, ordainagiriak, publizitate-euskarriak... eta hizkuntzen ahozko erabilera, bezeroekin eta baita hornitzaile eta langileen artean ere.
Egoeraren diagnostiko bat eginda, euskararen presentzia handitzeko neurriak hartzea da asmoa. Horrela azaldu du ohar bidez Iñaki Totorikaguena alkateak: "Neurriak proposatu eta euskararen aldeko konpromisoak hartzera animatu eta lagundu gura ditugu merkatariak"
