Hans Christian Andersen idazle daniarraren Berunezko soldadutxoa ipuinaren formatu handiko edizio bat osatuko dute umeek, Larrinagaren laguntzagaz.
Apirilaren 4an, 18:00etan, Herri Bibliotekan egingo duten ekitaldian aurkeztuko dute ilustrazio tailer horretan egindako lana, eta egun horretan eskainiko dute ipuinaren dramatizazioa ere.
Munduko beste hainbat liburutegitan bezala, Haur liburuaren nazioarteko egunaren mezuaren irakurketa egingo dute, apirilaren 4an, Iurretako Herri Bibliotekan ere. Gainera, ipuin kontalari saioa ere izango dute, egun horretan aukeran. Oihana Etxegibel kontalariak saio bikoitza eskainiko du: 3 eta 4 urte artekoentzat 17:30ean; eta 5 urtetik gorakoentzat, 18:00etan.