Iurreta Txirrindulari Elkarteak antolatzen duen Ahari Iurreta martxa zikloturistak 25. aldia egingo du domekan. Martxa ez lehiakorra da eta 09:00etan irtengo da Aita San Miguel plazatik.
Izena egunean bertan eman daiteke, plazan bertan, lasterketa hasi aurretik. Federatuentzat hamar euro da izena-ematea (lizentzia aurkeztu beharko dute) eta federatu bakoentzat 22 euro. Kuotan sartuta daude jan-edana eta lasterka amaieran banatuko duten oparia. Gehienez 300 txirrindularik parte hartu ahalko dute martxan.