Bizkaiko Bertsozale Elkarteak eta Bizkaiko bertso eskolek elkarlanean egitarau zabala lotu dute lehenengoz ospatuko den Bizkaiko Bertso Eskolen Egunerako.
Iurretako Aita San Migel plazan elkartuko dira Bizkaiko bertso eskolak, 11:30ean. Ondoren, 12:00etan, jolasak egongo dira. Herri bazkaria ere antolatu dute 14:00etarako, eta, 16.00etan, hainbat eskualdetako bertso eskolen erakustaldia hasiko da.
Iturriaga, Elortza, Uria eta Estiballes
Bertso saioa eskainiko dute, 18:00etan, Unai Iturriagak, Igor Elortzak, Jone Uriak eta Arkaitz Estiballesek. Gai jartzaile lanetan, berriz, Zuriñe Iarritu arituko da. Bizkaiko Bertso Eskolen Eguna Errerre txarangak girotutako kalejiragaz agurtuko dute; 19:00etan abiatuko da kalejira.