Futbolean, txirrindularitzan eta pilotan emakumeen parte hartzea bultzatzeko laguntza da.
Iurretako Kirol Taldeak, Iurretako Emakumeen Bira Ziklismo Kirol Elkarteak eta Olaburu Pelota Elkarteak udalaren diru-laguntza izango dute 2010ean emakumeak kirolera bultzatzeko egindako beharragatik.
Udal arduradunek azaldu dutenez, 4.000 euro banatu dituzte hiru kirol elkarteentzako:
- Iurretako Kirol Taldeko emakumeen taldean 20 jokalari dabiltza futbolean, eta Bizkaiko lehenengo mailan jokatzen dute. Kirol talde honi udalak 1.355 euroko diru-laguntza eman dio.
- Txirrindularitzan, kadete kategorian 8 neska dabiltza Iurretako Emakumeen Bira Ziklismo Kirol Elkartean. Errepidean, erlojukontza eta pistan ibiltzen dira lasterketetan. Udalak talde honi 1.270 euro eman dizkio.
- Pilotari dagokionez, Iurretan 6 neska dabiltza eskupilotan eta gomazko paletan, Olaburu Pelota Elkartean. Elkarte honi 1.125 euroko diru-laguntza eman dio udalak.