500 korrikalarik hartu dute irteera gaur goizean seigarren Asto Trail lasterketan. Hiru proba izan dira, luzea, laburra eta mendi martxa. Proba luzean Ander Jauregi durangarrak probako errekor berria ezarri du 2:02:52ko denboragaz. Bigarren postuan Amets Aranbarri helmugaratu da eta hirugarrenean Josu Urrutia. Emakumezkoetan, Lola Oiarzabal gasteiztarrak beste garaipen bat eskuratu du eskualdean. Bigarren postua Nora Narbaiza zaldibartarrak lortu du eta hirugarrena Nerea Amilibiak.
Lasterketa laburrean, beste behin, Victor Bernedo elorriarrak une honetan aurkaririk ez duela erakutsi du. Elorrioko korrikalaria garaipenetik garaipenera dabil eta gaurkoan ere jaun eta jabe izan da. Bernedo hasieratik jarri da lasterketa buruan eta helmugan 1:09:42ko denbora egin du. Bigarren postulan Ibai Cebrian durangarra sailkatu da eta hirugarrenean Aitor Gonzalez ermuarra.
Emakumezkoetan Irune Lertxundi izan da bizkorrena, bigarren Zutoia Odriozola helmugaratu da eta hirugarren Oihane Alonso.
Kopako liderrak
Durangaldeko Kopako liderrei dagokionez, honela dago kopako sailkapena:
SUGAR KOPAN LIDERRAK: Zutoia Odriozola eta Victor Bernedo
MARI KOPAN LIDERRAK: Nora Narbaiza eta Josu Urrutia
Kopako argazkiak
Beste urte batez, ANBOTO Durangaldeko Kopako babesle da eta asteburuan zehar argazkiak www.anboto.org-en egongo dira ikusgai.