Trumoitte elkarteak Garai Uda Giroan ekintza sorta prestatu du uztaileko lehenengo asteburuetarako. Uztailaren 4an, buruarinen tailerra egingo dute frontoian. Jardunaldia 10:00etan hasiko dute, eta antolatzaileek inprimaki bat prestatu dute buruarinaren diseinua aurretiaz aukeratzeko.
Uztailaren 10ean, aire libreko zinema saioa eskainiko dute. Garaiko Landetxearen atzealdeko belardian egingo dute, 22:00etan. Azkenik, uztailaren 17an, Andoni Oilokiegi musikari pasaitarraren kontzertua egongo da herriko plazan. Emanaldia 19:00etan hasiko da.