Nagusien elkartea Santa Ageda koplak abestera irtengo da, eta egitasmoan parte hartzera deitu ditu herritarrak. 20:00etarako ipini dute ordua, herriko plazan. Kantaldia behar den moduan prestatu dute gainera, aste honetan entseguak egiten ibili dira-eta kultur etxean.
Nagusien elkartea ahalegin handia egiten dabil ohitura hau berreskuratzeko. Izan ere, elkarteko kideak iaz hasi ziren berriro Santa Ageda eskean, 45 urtean koplak kantatzera irten barik egon eta gero.