Alberto Landa garaitarrak, José Félix Zamanillo iurretarrak, David Munduate iurretarrak eta Antonio Parra bilbotarrak 1.200 bat kilometroko zeharkaldia egin dute bizikletan, alportxak aldean. 'El Camino del Cid' delakoa egin dute, Cid Campeador noble eta militar gaztelarraren bidea. Joan zen maiatzaren 14an Bilbotik irten zuten eta hamar eguneko zeharkaldia eta gero, Alacantera (Herrialde Katalanak) ailegatu ziren. Bidean, Burgos, Soria, Teruel, Castello eta Valentzia zeharkatu dituzte. "Esperientzia polita" izan dela azaldu du Alberto Landak. "Lobos ibaiaren haitzartea igarotzea, adibidez, zoragarria izan da. Oso leku ospetsua da, oinez zein bizikletaz egiteko oso aproposa", azaldu du. "Aipagarria iruditzen zaidan beste leku bat Ojos Negros (Teruel, Aragoi) herriko meatzaldea da. Meatzea itsas mailatik 1.400 metroko garaieran dago", dio. Lau herritarrak aste honen hasieran bueltatu dira bidaiatik etxera.
Garaiko eta Iurretako txirrindulari talde batek 1.200 kilometroko zeharkaldia egin du 10 egunean
Joxemari Iturralde idazle tolosarrak Lau bizikleta urrutira joateko liburua kaleratu zuen 1994an. Gazte literaturako eleberri hartan, lau lagunen bizikleta gaineko abenturak jaso zituen. Eta, zergaitik ez, albiste honetako protagonistak ere izan zitezkeen liburu hartako protagonista. Lau lagun direlako, orain dela gutxi bizikletaz bidaiatu dutelako elkarregaz, eta urrutira joanda kilometro mordotxo bat egin dutelako. Haiena, baina, ez da fikzioa, errealitatea baino, hezur-haragizko errealitatea.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!