Kontua da udalerriren batean txakurren bat galduta agertzen bada, udalarena dela animalia hori jasotzeko eta txakurtegira eramateko betebeharra. Eta txakurtegiko prezioak igo egin direnez gero, Garaiko Udalak zerbitzuari loturiko prezioa igotzea erabaki du. Hau da, hemendik aurrera jabea duen txakurren bat bere identifikazio txip eta guzti galduta agertzen bada, jabeak orain artekoa baino prezio altuagoa ordaindu beharko dio udalari. Txakurra jaberik bakoa bada eta identifikaziorik ez badu, orduan udalak hartu behar izaten du gastua bere gain. Garaiko udal iturriek diote normalean ez dela horrelako egoerarik sortzen. "Lehen gehiago, baina gaur egun gutxitan gertatzen dira halakoa egoerak", argitu dute.