Turroia eta egutegiak
Garaiko udal iturriek adierazi dute datozen egunetan egutegiak eta turroia banatuko dituztela herriko etxe guztietan. Batzuek turroi gogorra jasoko dute, eta biguna besteek. Tokatzen dena. Udaleko behargin bi arduratuko dira horretaz. Garain aspaldikoa da herritarren artean turroia eta egutegiak banatzeko ohitura. Orain arte, Olentzerok eta Mari Domingik egin izan dute lan hori, baina iaz hasitako pandemia dela-eta, udal langileek hartu dute banaketa ardura.
Gontzal Mendibilek kontzertua eskainiko du zapatu honetan Elizaberrin
Kantari zeanuriztarraren emanaldia 19:00etan hasiko da. Sarrera debalde izango da eta 60 pertsonentzako lekua egongo da gutxi gorabehera. Edozelan ere, udaletxera deitu beharko da kontzerturako eserlekua erreserbatzeko. Bestalde, domekan ekoizleen azoka egingo dute herriko plazan.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!