Garaiko Udalak luzatu egin du 'Garai biziarazi' bonuak erabiltzeko denbora

Garaiko Udalak, izurriteak kolpatutako Garaiko landetxearen eta herriko jatetxeen jarduera ekonomikoak sustatzeko asmoz, 'Garai biziarazi' bonuak kaleratu zituen uztailean. Herritarrek ederto erantzun zioten egitasmoari, eta egun gutxiren buruan agortu zituzten.

Hasieran, bonuok erabiltzeko epea abenduaren 31n amaitu behar zen arren, epe hori 2021eko martxoaren 31ra arte luzatzea erabaki du Garaiko Udalak. "Ostalaritzako establezimenduak eta landetxea zarratzearen ondorioz, pertsona batzuek ez dute bonuak erabiltzeko modurik izan. Beraz, epea luzatzea erabaki dugu", azaldu dute Garaiko Udaleko kideek prentsa ohar baten bitartez.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.