Pandemiaren eraginez sortutako gastuak estaltzea lortu dute uda honetan zehar, baina aitortu dute negozio lez ez dutela beharrezko etekina lortu. Inoiz baino bisitari gazteagoak izan dituzte. Adinaren batez bestekoa jaitsi egin da eta horrek isla izan du kontsumoan. "Gazteriak hemen lo egin arren, gurago dute kafea edo dena delakoa kanpoan hartu", dio Gezuragak.
Edozelan ere, etsi barik, tinko begiratzen dio etorkizunari. Durangaldeko eragileen arteko elkarlanera deitu du Gezuragak. "Durangaldea denona da eta zaindu egin behar dugu. Denon artean sinergiak sortu eta aurrera egitea dagokigu", gaineratu du.