Herriko ostalaritzari bultzada bat emateko hiru neurri zehatz hartu ditu Garaiko Udalak. Batetik, itxialdian zehar negozioa zarratuta eduki behar izan duten ostatuen eta landetxeen zergak arinduko ditu. Bestetik, 500 euroko zuzeneko laguntza bana emango die. 2.000 euroko diru-partida prestatu du horretarako.
Deskontu bonuak
Udalak hartu duen hirugarren erabakia 'Garai biziarazi bonuak' kaleratzea izan da. Herriko jarduera ekonomikoa bultzatu gura dute horiekin. Bi motatako bonuak izango dira. Herriko jatetxeetan erabili ahal izateko bonuak izango dira batzuk eta Garaiko landetxea bisitatzen dutenen.
Lehenengoaren kasuan, bezeroak 25 euroan eskuratu ahalko du bonua, gero, 45 euroko kontsumoa egin ahal izateko. Bigarrenaren kasuan 35 euroan erosi ahalko da txartela, ondoren, 65 euroko kontsumoa egiteko. Garaiko Udalak 11.300 euro baino gehiago bideratuko ditu egitasmo horretara.
Bonuak eskuratzeko udaletxera jo beharko da. Egitasmoa 2020ko abenduaren 31ra arte izango da martxan, bonuak agortu bitartean.