Baselizaren inguruan dauden zuhaitzen egoera aztertu eta gero, premiazko inausketa batzuk egingo ditu. Inguruneko bizilagun eta erabiltzaileentzat "arriskutsuak izan daitezkeen" adar hilak kendu eta "ainguraketaren bat" egingo dute zuhaitzik jausi ez dadin. Bestalde, "bertako haritz eta arte zaharren ordezkoak izan litezkeen zuhaitzak landatuko ditugu", esan dute.
Azkenik, inguruaren balio ekologikoari lotutako informazio panelak ipiniko dituzte. Momoitioko inguru paregabea zaintzeko eta babesteko deia ere egin du udalak.