Baserriko produktuen azoka egingo dute domekan Garain, lehenengoz

San Tomas egunaren ostean eta Gabon aurreko azkenengo erosketei begira, baserriko produktuen azoka egingo dute lehenengoz Garain, Urkiola Landa Garapenak eta udalak antolatuta. 12 ekoizlek euren produktuak ipiniko dituzte salgai.

Udaletxearen ondoko plazan egongo dira salmahaiak. Besteak beste, gazta, txakolina, txerrikia, ogia eta pastelak egongo dira. Gutxi gorabehera 11:00etik aurrera hasiko da azoka mugimendua.

Bertako produkuak

Garaiko bertako produktuak ez dira faltako. Herrian ekoitzitako kontserbek eta garagardoak haien lekutxoa izango dute. Elorrioko berakatz beltza ere erosgai egongo da.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.