Heriotzaren kulturari buruzko bisita gidatuak eskainiko dituzte Garain

Garaiko Udalak eta Gerediaga elkarteak, elkarlanean, heriotzaren kulturari buruzko bisita gidatuak eskainiko dituzte, apirilaren 12an eta 13an.

Euskal Herrian heriotza zelan ulertu izan den azalduko dute, elementu batzuetan zentratuta: eguzkia, sua, argizaiolen esanahia, jesarlekuak, etxea, kanposantua.... Momoitio eta herriguneko eliza zein hilerria bisitatuko dituzte, besteak beste. Interesdunek Gerediagan eman behar dute izena.