anboto.org

100 lagun elkartu ziren Garai eta Lantziegoren arteko topaketan

  Kultura  Garai

Ofizialki senide diren herri biek ospakizuna egiten dute urtero, eta aurten Lantziegon (Araba) elkartu dira. Herri bazkarian 100 lagun inguruk parte hartu zuten zapatuan; 32 ziren hemendik joandako bisitari garaitarrak.

Senidetza islatzen duen monumentu bat dago ezarrita Lantziegon, eta hantxe atera zuten irudian ikusten den talde argazkia. Bazkalostean erromeriagaz jarraitu zuten jaia, iluntzera arte.

Dantza taldeen artean egondako urteetako hartuemanaren ondorioz sortu zen senide bihurtzeko ideia, 2013an. Garain ere badago ipinita senidetza aipatzeko oroigarri bat, eta 2019an etorriko dira berriro lantziegarrak bertara.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa