10:00etatik 15:00etara, lorezaintzaren munduaz gozatzen duten ehunka lagunek aukera paregabea izango dute Garain jarriko dituzten postuak ikusteko. Guztira, 27 izango dira ekoizleak, eta horietarik 9 Durangaldekoak. Iazko nobedadeetako bat mantendu gura dute antolatzaileek: kontsigna. Izan ere, erositako landareak gordetzeko leku bat ipiniko dute, erosketa egin ostean goiza eroso pasatu dezaten bisitariek, landareak eskuetan eduki behar izan barik. Gainera, erabiltzaileen artean zozketa bi egingo dituzte: herriko jatetxe batean lagun birentzako bazkaria eta landetxean lagun birentzako gaualdia.
Urkiola Landa Garapena, Garaiko Udala eta Trumoitte elkartea ari dira azoka prestatzen, San Migel nagusien elkartearen laguntzagaz. Hainbat boluntariok parte hartzen dute ekimenean, eta guztiei eskerreak eman dizkie antolakuntzak.