Durangaldeko kirol instalazioak erabili dituzten garaitarrek, diru-laguntza eskura

Markel Onaindia 2018ko mar. 6a, 11:00

Beste herri txiki batzuetan antzera, Garain ere ez dago kiroldegi publikorik, eta aktibitate batzuk egin gura dituzten herritarrek kanpora joan behar izaten dute. Adibidez, Berrizera eta Durangora jotzen dute askok.

Gainera, joaten diren herriko biztanleek baino gehiago ordaindu behar izaten dute normalean, kanpokoak izatearren. Horregatik, diru-laguntzak eskainiko ditu udalak, 2017ko matrikulak ordaintzen laguntzeko. Gura duenak martxoaren 9a baino lehenago aurkeztu behar du laguntza eskaera.

Diru-laguntzak bermatu ahal izateko, 2.000 euroko partida dauka udalak.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!