Duela aste batzuk Hiri Antolamendurako Plan Orokorra (HAPO) diseinatzen hasteko, batzar zabala egin zuten herrian, datozen hogei urteetako erronkei begira. Eta, hain justu, batzar horretan irten zen aurrekontua ere partaidetzaren bidez osatzeko proposamena.
Gontzal Sarrigoitia alkatearen esanetan, udal gobernuak baditu zenbait ideia aurtengo aurrekontuari begira, baina herritarrak izango dira horien beharrizana edo lehentasuna baloratuko dutenak. Beraz, biztanleen iritzia jaso gura du udalak.