Bide hori konpontzeko obretan ibili da udala, bidegurutzetik basozainen etxerainoko zatian, hain zuzen ere. Errepide zati hori Garaiko jabetzakoa da, eta berrizteko beharra ikusi zuten.
Dagoeneko amaitu dira trafiko eragozpenak –ordura arte, Oizera joan gura zuenak Gallandatik hartu behar zuen bidea–. Gontzal Sarrigoitia alkateak adierazi duenez, duela 15 bat egunetik zabalik dago errepidea, obrak jadanik amaitu zituztelako.