Alkateek hitzarmena sinatu zuten, eta oroigarria ere ezarri zuten herrian. Orain, kasik urtero egiten dute senidetza ospatzeko jaialdia, garaitarrak hara joanda edo lantziegoarrak hona etorrita. Aurten, “senide” arabarrak izango dira bisitari Garain, azaroaren 4an.
11:30 bueltan egingo diete harrera Lantziegoko herritarrei. Autobus bete etortzea espero dute antolatzaileek. 14:30ean bazkaria egingo dute pilotalekuan. Bazkalostean, musika jartzaile batek alaituko du giroa.
Nagusien ikastaroa
Herriko nagusientzat antsietatea kontrolatzeko tailerra sortu du Amankomunazgoak. Azaroaren 2an eta 9an dira hurrengo saioak, 17:30ean, kultur etxean.