Mendi bizikletako martxa 10:00etan hasiko da, plazan; 32 kilometro eta 1.200 metroko desnibel positiboa ditu. Iurretatik, Oizko parke eolikotik eta San Kristobal ermitatik, eta Mauma ingurutik ibiliko dira bizikletariak, goizean zehar. Oinezko ibilbidea 08:30ean hasiko da, eta 22 kilometroko luzera izango du. Besteak beste, Oizetik ibiliko dira (antenak, San Kristobal) eta Oiz atzealdetik —Trabakua ingurutik— itzuliko dira Garaira. Une batean, soka batekin lagunduta, bost metroko malda igo beharko dute parte-hartzaileek; edonork egiteko modukoa da antolatzaileen esanetan.
Izen-ematea egunean bertan (20 euro) edo aurretik egin daiteke www.garaitt.com gunean, barikuko 22:00 arte (10 euro).