Egitarauak lau ikus-entzunezko ekarriko ditu, baita emakume mendizaleen historiari buruzko erakusketa bat ere. Ekitaldiak Iturri Kultur Etxean, Gaztetxean eta Kirol Etxean egingo dituzte. Hona aurtengo egitaraua:
AZAROAK 16 (ASTELEHENA), 19:00, ITURRI KULTUR ETXEA
Ekaitz Maiz: 'Amaiurko bidea'.
Euskal Mendizale talde batek espedizio bati ekiten dio Indiako Himalaian dagoen Ladakh eskualdea esploratzeko eta eskalatzeko horma eta mendi birjinen bila. Amaiurrerako bidaian zehar, filmak eskaladetan bizitako esperientzia eta emozio biziak jasotzen ditu.
AZAROAK 17 (MARTITZENA), 19:00, GAZTETXEA
Javier López: 'Javier y la Montaña'.
Javier López PagazaurtunduaK hainbat ekimen burutu ditu Euskadin garuneko paralisia eta beste desgaitasun batzuk dituzten pertsonei ikusgarritasuna emateko. Besteak beste Everesteko kanpamentu nagusiraino oinez igo zen, bizitza osoan amestutakoa egia bihurtuz.
AZAROAK 18 (EGUAZTENA), 19:00, ITURRI KULTUR ETXEA
Pedro L. Sanchez: 'Ecos de Atxarte – Voz y Silencio'
1990 eta 1994 artean, Urkiolako Parke Naturala sortu zuen Dekretuan ezarritakoa errespetatzeko eskatu zitzaion Eusko Jaurlaritzari. Erreklamazioen aldeko formulak erabakigarriak izan ziren, hala nola manifestazioak, Rontegin eta Hamakan zintzilikatuak. Gero eta gaurkotasun handiagoa duen ekitaldi honen eta beste batzuen aurrean jarrera pertsonala sortzeko arrazoiak jarri nahi ditu mahai gainean dokumental honek.
AZAROAK 19 (EGUENA), 19:00, ITURRI KULTUR ETXEA
Mai Arbonies: 'INDÓMITAS. Mujeres, río y montaña'
Hitzaldi hau ibaiaren eta mendiaren bihotzera egindako bidaia da. Mai Arboniesek Ur Bizietako gidari gisa duen esperientzia pertsonal eta profesionalaren bitartez, mugak hausteari buruzko gogoetak partekatzen ditu.
AZAROAK 20, OSTIRALA, 18:00, KIROL ETXEAN
Erdellaren urteko asanblada.
AZAROAREN 16TIK 28RA, ITURRI KULTUR ETXEAN
Erakusketa: 'Gailurretan izan gaitun'.
'Gailurretan izan gaitun' erakusketa FNDMEk (Nafarroako Mendi eta Eskalada Federazioa) EMMOAren (Euskal Mendi Museoa) laguntzarekin prestatu zuen. 2024tik aurrera herrialde osoan zehar dabil. Horretarako prestatutako panel batzuen bidez, euskal emakume mendizaleen historia errepasatzen du: mendizaleak, alpinistak eta eskalatzaileak 1924tik 2024ra, lau etapatan banatuta.