Erdella Mendizale Taldeak Elorrioko Biraren aldi berri bat antolatuko du datorren domekan. Bi ibilbide daude aukeran. 32 kilometroko luzea 07:30ean irtengo da, plazatik. Udalaitz, Intxorta eta Erdella lako mendietatik ibiliko dira. Bira laburragoa 09:00etan hasiko da, plazan. 15 kilometro ditu eta Erdella izango da ibilbideko tontor bakarra.
Izena emateko hainbat aukera dago. Zapatuan, 18:00-20:00 bitartean, udaletxe azpiko plazan egin daiteke; baita egunean bertan ere: 06:30ean, luzerako eta, 08:00etan, txikirako. Izen-ematea www.erdellamt.com webgunearen bidez ere gauzatu daiteke.