Datorren zapatuan, uztailak 4, Berrio-Otxoa eguna ospatuko dute Elorrion. Herriko patroia den San Balendin Berrio-Otxoaren omenez antolatutako jardunaldiak musika, ospakizun erlijiosoa eta herritarren arteko topaketak uztartuko ditu, Elorrioko tradizioetako bati jarraipena emanez.
Goizeko 10:00etan hasiko da egitaraua, herrigunean zehar egingo den txistularien kalejirarekin. Ondoren, eguerdian, Berrio-Otxoa kalean herritarrentzako luntxa eskainiko da, herritarren arteko elkargunea eta jai giroa sustatzeko, udalak ohar batean azaldu duenez.
Eguerdiko 12:00etan ospatuko da Basilikako meza nagusia. Elizkizunean koruak parte hartuko du. 20:00etan, Santa Anako kaperak hartuko du eguneko azken ekitaldia: Berrio-Otxoa Abesbatzaren kontzertua.
Eguneko ekitaldiak Iturrizoro elkartearen, Elorrioko Txistulari Taldearen eta Eusko Labelen lankidetzari esker antolatuko dituzte.
EGITARAUA
- 10:00 Txistularien kalejira herrigunean.
- 12:00 Meza nagusia Basilikan, koruaren parte-hartzearekin. Herritarrentzako luntxa Berrio-Otxoa kalean.
- 20:00 Berrio-Otxoa Abesbatzaren emanaldia Santa Anako kaperan.