Orain arte jokaturiko 15 partiduetan ez du porrotik ezagutu: 14 garaipen eta berdinketa bat. Aurtengo denboraldiak iazkoaren traza du. Iaz ere ezin hobeto ibili ziren liga erregularrean, eta Euskal Ligako finala irabazita borobildu zuten denboraldia.
Bestalde, Durango Hirumet sailkapeneko seigarren tokian dago une honetan. Zazpi partidu irabazi eta beste horrenbeste galdu ditu orain arte.
Maila bat beherago, Zornotzako Urgozo oso ondo dabil. Amaitzeko hiru jardunaldiren faltan bigarren sailkatuta dago, jokaturiko 14 partiduetatik 12 irabazita.
Geurea, play offen bila
Emakumeetan, Elorrioko, Urgozoko eta Arrasateko neskek osaturiko Geurea taldea kanporaketetara sailkatzeko borrokan sartuta dabil, hirugarren postuan. Durango Ermar taldea seigarren dago une honetan.