Lasterketa nagusia 12:30ean hasiko da, plaza nagusitik. Antolatzaileek 5,5 kilometroko zirkuitua prestatu dute, eta, herrigunean ez ezik, inguruko auzo batzuetatik ere ibiliko dira. Korrikalariek buelta bi emango dizkiote zirkuitu horri. Probak izaera herrikoia izango du, edozein kirol mailatako parte-hartzaileei zabalik dago. Izen-ematea egunean bertan egin daiteke, plazan (5 euro). Ekimenean baturiko dirua atletismo eskolarako izango da. Dortsalak 09:00etatik 11:00etara bitartean banatuko dituzte.
Umeentzako probak
Haurrek eurentzat prestaturiko ibilbideetan korrika egiteko aukera izango dute aurten ere. 2010-2011. eta 2012-2013. urtekoek buelta bi emango dizkiote ibildeari; 2014-2015. urtekoek eta 2016an edo geroago jaiotakoek, ostera, buelta bat emango dute.