Maiatzaren amaieran hasi zituzten lanak, eta helburua zen kalearen irisgarritasuna zein segurtasuna bermatzea eta ingurune urbanoaren kalitatea hobetzea; uholde arazoak ere hobetu dituzte. "Helburua bikoitza da; alde batetik, Elorrio bizigarriago eta gertukoago bihurtuko duten eremu irisgarriagoak eskaintzea, eta bestetik, herritarren eskaerari erantzutea uholde arazoak konponduta", azaldu dute udal arduradunek.
Bestalde, langileak San Pio kaleko lanak egiten dabiltza orain. Obrak amaitu bitartean, errepidea itxita egongo da ibilgailuentzat.