Ligan dabiltzan bost euskal taldeak batuko dira Elorrion: Deportivo Alavés Fundazioa, Athletic Club Fundazioa, SD Eibar Fundazioa, Real Sociedad Fundazioa eta CA Osasuna Fundazioa. Guztira, 10 derbi jokatuko dira 10:45etik aurrera, zelai bitan banatuta. Esaterako, Athleticen eta Realaren artekoa 12:45ean hasiko da.
Izaera ez lehiakorra
Asteburuko topaketak izaera ez-lehiakorra du, eta, beraz, ez da sailkapenik ez puntuaziorik egongo. Jardunaldiaren helburu nagusia gizarte- eta kirol-inklusioa zein parte hartzaileen arteko elkarbizitza sustatzea da, aukera-berdintasuna eta talde lana bultzatuta. "Ekimenak kluben arteko loturak sendotzea bilatzen du", ekimeneko antolatzaileek ohar batean azaldu dutenez.