Hitzordua 09:00etarako ipini dute, herriko plazan, ordu laurden geroago hasteko. Taldeka banatu eta gero, 13:00ak arte ibiliko dira garbitzen. Deialdia 6 urtetik gorakoentzat da, baina 6tik 11 urtera bitarteko umeek nagusi baten zaintzapean joan beharko dute. Kasu honetan, 11:00etan izango da hitzordua, eta bilketa eurentzat egokitutako gune batean egingo dute, 11:00-13:00 bitartean. Ondoren, 13:15 aldera, denen artean bildutako zaborra plazan utziko dute, jendaurrean erakusteko. Gero, baturiko zabor guztia jaso egingo dute. Antolatzaileek katiuskak edo galtza-botak eta eskularruak eramateko gomendioa egin dute, eta baita bilketa errazteko baliagarria izan daitekeen edozein material eramatekoa ere: zabor-pintzak, sakaderak eta abar.
Erreka garbiketan parte hartzeko, izena eman beharko da aurretik, Anbotopeko dendan, Iturri kultur etxean edo webgunearen bitartez.